સુવાક્યો - ૩

1. બાળકને બોલતા શીખવામાં બે વરસ લાગે છે, જયારે માણસને ચૂપ રહેતા શીખવવામાં સાંઠ વરસ લાગે છે.
2. ઝાડ મને ખૂબ ગમે છે, કારણ કે તે હંમેશા મૂંગા રહે છે.
3. વાતચીત એટલે લોકો જેટલું જાણવા માંગતા હોય તેના કરતા જરીક ઓછુ તેમને કહેવાની કળા.
4. વધારે બોલવું એ મુસીબતનું એંધાણ, વધારે ખાવું એ રોગનું એંધાણ.
5. કોઈના ચરણ ધોવા નહિ પડે, માત્ર આચરણ સાફ રાખો.
6. વગર લેવે દેવે કોઈને કંઈ સૂચન કરવું કે કોઈને સુધારવા મંડી પડવું એ અહંકારની પેદાશ છે.
7. આજે ભણવાનું સૌ કોઈ જાણે છે, પણ શું ભણવું જોઈએ તે કોઈ જંતુ નથી.
8. આપણા અનુભવમાંથી આપણને ડહાપણ મળે છે અને આપની મુર્ખાઈઓમાંથી આપણને અનુભવ મળે છે.
9. જે જવાન રોતો નથી તે જંગલી છે, જે વૃદ્ધ હસતો નથી તે મૂર્ખ છે.
10. ક્રોધ કરવો એટલે બીજાઓના દોષનો બદલો આપની જાત પર  લેવો.
11. પાંચ મણની કાયામાં કિંમત તો માત્ર ૧૦૦ ગ્રામના નાકની જ છે.
12. તર્ક લડાવ્યા કરે તે બુદ્ધિવાદી અને તક ઝડપી લે તે બુદ્ધિશાળી.
13. નાના ગુંડાના ત્રાસમાંથી મોટો ગુંડો છોડાવે તોય જીત તો ગુંડાગીરીની જ ગણાય.
14. જીવનમાં સદભાવના અને સદઆચરણ રાખવું એ જ સાચી પ્રભુસેવા છે.
15. ખાલી પેટ એ સવાલ નથી પણ ખાલી દિમાગ એ સવાલ છે.
16. અતિ જ્ઞાની અને અજ્ઞાનીને પણ સૌથી વધુ ખતરો અર્ધજ્ઞાનીનો હોય છે.
17. ઈશ્વર એક જ વાર એક ક્ષણ આપે છે અને બીજી ક્ષણ દેતાં પહેલા તે ક્ષણને લઇ લે છે.
18. ચારિત્ર્ય વિનાની સ્ત્રી જેવી જ દશા સામર્થ્ય વિનાના પુરુષની થાય છે.
19. માફ કરવું ઉત્તમ છે, પણ ભૂલી જવું એ સર્વોત્તમ છે.
20. મનુષ્યથી ડરવું એ ઈશ્વર પ્રત્યેના વિશ્વાસના અભાવનું દ્યોતક છે.  – ગાંધીજી
21. ત્રાસવાદી કરતાંય ખતરનાક એ છે જે સત્તા – સામર્થ્ય છતાં સમાધાનો કાર્ય કરે.
22. ટોચના શિખર પર કદમ મૂકી તો પર્વત આપોઆપ તળેટી બની જશે.
23. દુશ્મનોના દિલ જીતવામાં દિમાગ પણ બહેર મારી જાય.
24. ઘમંડથી માણસ ફુલાય છે, પણ વ્યાપી શકતો નથી.
25. સફળતા એવી સીડી છે જેના સોપાન ખિસ્સામાં હાથ રાખીને ચડી શકાય નહિ.
26. જે કાર્ય કરવા શક્તિમાન છે તે કાર્ય કરે છે, પણ જે કરી શકે તેમ નથી તે ખાલી શિખામણ જ આપે છે.  – બર્નાડ શો.